ஆயிரம் கனவுகள்

அருஞ்சொல் இதழ் இனிமேல் வெளிவராது என்று அதன் நிறுவனர் சமஸ் கூறிவிட்டார். ஒவ்வொரு நாளும் ஒரு கட்டுரை என்று அருஞ்சொல் வெளியிட்டுக் கொண்டிருந்தபோது நான் பெரும்பாலும் அந்த கட்டுரையை கவனிப்பதுண்டு. பாலசுப்ரமணியம் முத்துசாமி எழுதும் பொருளியல் சார்ந்த கட்டுரைகள், யோகேந்திர யாதவ், ராமச்சந்திர குகா ஆகியோரின் அரசியல் கட்டுரைகள் இவற்றை தவறவிடுவதில்லை.  அருஞ்சொல்லுக்கு தெளிவான ஒரு அரசியல் இருந்தது. அது வலதுசாரிஅ ரசியலுக்கு எதிரான ஒன்று என்பதாக வகுத்துக் கொள்கிறேன்.  மோதி தலைமையிலான அரசு 300 இடங்களுக்கு மேல் வெற்றி பெறும் என்று எல்லா கருத்துக்கணிப்புகளும் சொன்னபோது  அடித்துச் சொல்கிறேன், பா. ஜ. க 300 இடங்கள் ஜெயிக்காது என்று சமஸ் எழுதினார். அவரின் சொற்களில் எனக்கு நம்பிக்கை இல்லை என்றாலும் அது ஒரு ஆறுதலாக இருந்தது.  அதற்காக காங்கிரஸ் மீது அருஞ்சொல். விமர்சனங்களை வைக்காமலும் இல்லை. அண்மையில் நடந்த ஹரியானா தேர்தலை காங்கிரஸ் சரியாக கையாளவில்லை என்ற கட்டுரையை சான்றாக சொல்லலாம்.  மூன்று மாதங்களுக்கு முன்பு புதிய தலைமுறை நிறுவனத்தில் தாம் ஏற்றுக் கொண்ட பொறுப்பு காரணமாக அருஞ்சொல் ஆசிரியப் பொறுப்பில் இருந்த

அம்மா பற்றி நினைவுகளை ஒரு நூலாக எழுத வேண்டும் என்று நண்பர் க. ஜவகர் கேட்டுக்கொண்டார். எனக்குள்ளும் அப்படி ஒரு எண்ணம் இருந்தது. நண்பர் ஜவகரின் சொற்கள் அந்த எண்ணத்திற்கு மேலும் உத்வேகம் கொடுத்தன. அம்மாவின் வாழ்க்கை ஏன் முக்கியம்? இரண்டு ஊனமுற்ற குழந்தைகளை வளர்க்க அவள் மேற்கொண்ட சலிப்பில்லாத முயற்சிக்காக தனக்குள் இருக்கும் ஒளியை கடைசி வரை தக்க வைத்துக்கொண்ட சாதனைக்காக ஆர்வம் மிக்க மாணவியாகத் தன்னை அவள் முன்வைத்த இயல்புக்காக.  நான் பிறந்தது பரமக்குடியில். அம்மா பற்றிய நினைவுகளை பரமக்குடி, சென்னை, குப்பம் ஆகிய மூன்று ஊர்களை மையமிட்டு  எழுதும் திட்டம்.  அவளின் இளமை வாழ்வை, குழந்தைமையை அறிந்து கொள்ள அவளை விட வயதில் பெரிய அத்தையிடமும் என் சித்தியிடமும் பேசிக் கொண்டிருக்கிறேன்.  என் அலைபேசியில் இருக்கும் கீப் நோட்ஸ் செயலியில் குரல் வழியே தட்டச்சு செய்த பிறகு கணினியில் எடிட் செய்யும் எண்ணம்.  அம்மா பற்றிய பரமக்குடி நினைவுகளை ஏறக்குறைய முடிக்கும் நிலையில் இருக்கிறேன். இதுவரை 26 பக்கங்கள் வந்திருக்கின்றன. இதன்பிறகு சென்னை மற்றும் குப்பம் நினைவுகள் இடையிடையே அவளின் திருமணத்திற்கு முற்பட்ட நிகழ்வுகள